空氣草知一二-常見蟲害

空氣草知一二-常見蟲害

空氣草常見嘅蟲害其實分為以下幾種；
「介殼蟲、紅蜘蛛、木蚤」

「介殼蟲」嘅產生通常都係因為通風不足、空氣潮濕等因素而影響造成，幼蟲主要棲息係葉片背面，吸食植物的體液，同時亦會對空氣草注射消化液，令到空氣草傷口難以癒合，同時因為佢哋會分泌含高糖份嘅排泄物而吸引螞蟻，加劇蟲害對空氣草嘅健康產生好大嘅影響，亦容易引起二次感染即係煤煙病。

「紅蜘蛛」係空氣草中影響最為主要嘅蟲害，主要係因為太過乾燥同温暖環境造成，佢哋主要吸食空氣草葉片體液為主，尤其以葉身較厚嘅空氣草為吸食對像。

另外有一種較少熟悉嘅害蟲係「木蚤」，南方天氣潮潮濕如果用木片或鬆皮碎、椰殻碎做定植就會產生。

「紅蜘蛛同木蚤」少量的話可以透過浸泡1天左右長時間令佢哋窒息死亡，但嚴重的話就需要買植物杜蟲藥解決。

空氣草嘅蟲害嚴重時會令到葉身出現黑斑及黃斑，同時葉片水份亦會嚴重抽乾而令葉身出現枯乾，需要使用經消毒過後嘅花剪將受影響葉片剪除，以及出現黑斑時切勿浸水。

空氣草蟲害較容易傳開感染其他空氣草，建議如有發現有空氣草受到蟲害，先將受蟲害嘅空氣草先作隔離，避免感染其他空氣草。

空氣草蟲害常見於夏季溫暖時候，條件許可嘅情況下，建議雨天時可以拎出去淋雨，雨水沖刷更有效沖趕害蟲。

木蚤會咬人，紅蜘蛛會咬葉片，螞蟻亦會破壞空氣草令佢哋變型同死亡，奉勸大家小心蟲害，嚴選賣家，常備杜蟲藥。

尊重別人的努力，轉發分享緊記標示出處